Ubique
a.d. sextum Īdūs Augustās MMDCCLXXV (2022-08-08)
Nunc est plangendum, maerendum, lacrimandum. Olīviā Newtonus-Iohannēs aetāte septuāgintā trēs annōrum mortua est. Plūs verbōrum scrībere nunc nōn valeō. Nunc est mūsica eius audienda. Requiēscat in pāce.
Vidē īnfrā sub capite "Xanadu, USA, et Mōns Olympus" ut dē carmine optimō nōmine "Magica" legās, quod carmen grātissima Olīviae ipsī erat. Inter alia mihi maximē placent carmina "Corporum" ("Physicī"), "Paulō Plūs Amōris," "Profundior Nocte," "Mītisne Numquam Fuistī," "Circum Circumque Saltāns," "Probē Tē Amō," et "Subitō."
vinculum
Missouri
a.d. quārtum Kalendās Novembrēss MMDCCLXXIII (2020-10-28)
Abhinc quīnquāgintā quīnque annōs Arcus Illa Porta ad Sōlis Occāsum Vergēns in Urbe Sānctī Ludovīcī cōnfectus est.
vinculum
Missouri
a.d. quīntum Kalendās Novembrēs MMDCCLXXIII (2020-10-27)
Abhinc trīgintā quīnque annōs (A.U.C. MMDCCXXXVIII = AD 1985) Rēgālēs ex Urbe Cānsiēnse (Cānsiānopole) vīcērunt Cardinālēs ex Urbe Sānctī Ludovicī in Seriē Suprēmā Lūdī Pilae et Basiārum, nōmine I-LXX (Inter Cīvitātēs Viae Septuāgēsimae Seriēs).
vinculum
Xanadu, USA, et Mōns Olympus
a.d. quārtum Nōnēs Augustās A.U.C. MMDCCLXXIII (2020-08-02)
Abhinc quadrāgintā annōs (A.U.C. MMDCCXXXIII = AD 1980) carmen "Magica" ab Olīviā Newtonō-Iohanne cantātum ad culmen indicis reī mūsicae (pompae mūsicae) ascendit. Quattuor per octiduua in culmine permānsit et tertium dēmum locum summum carminum omnium illō annō meruit. In pelliculā vel spectāculō cinēmatographicō nōmine "Xanadu" Olīvia Newtonus-Iohannēs Mūsam Terpsichorem ēgit, cantāvit, et cum Eugeniō Kelly saltāvit. Paulō ante mortem Iohannēs Lennon ēnūntiāvit "Magicam" sibi (aut eī) placēre.
vinculum, vinculum dē Mūsā Terpsichorē latīnē scrīptum, vinculum dē Olīviā Newtonō-Iohanne latīnē scrīptum
Riverdale, USA
a.d. duodecimum Kalendās Octobrēs A.U.C. MMDCCLXXII (2019-09-20)
Abhinc quīnquāgintā annōs (A.U.C. MMDCCXII = AD 1969) carmen "Saccharon, Saccharon" ab Archies cantātum ad culmen indicis reī mūsicae (pompae mūsicae) ascendit. Hoc carmen optimum dēmum locum summum carminum omnium illō annō rēctē meruit. "Saccharon, Saccharon" prīmum carmen erat quō carmine ab hominibus (astronautīs in missiōne nōmine Apollō XII) in spatiō extrāterrestriālī saltātum est.
vinculum, vinculum dē rēbus mūsicīs in spatiō (vidē numerum x)
USA
Īdibus Octobrribus A.U.C. MMDCCLXXII (2019-09-13)
Abhinc quīnquāgintā annōs (A.U.C. MMDCCXII = AD 1969) pellicula animāta nōmine "Scūbiō-Dūō, ubi es tū?" in tēlevīsiōne prīmum appāruit.
vinculum
Earth and Moon (In Terrā et Lūnā)
a.d. tertium decimum Kalendās Augustās A.U.C. MMDCCLXXII (2019-07-20)
Abhinc quīnquāgintā annōs missiō nōmine Apollō XI ad lūnam advēnit. Astronautae Neil Armstrong et Buzz Aldrin paulō posteā (postrīdiē UTC) in lūnā ambulāvērunt. Astronauta Michael Collins in astronāve in ambitū (orbe) lūnae manēbat. “Ūnus parvus passus hominī (virō), ūnus ingēns saltus generī humānō.”
vinculum in linguā Latīnā scrīptā
Even Cooler Than the Coolest News Ever!
a.d. quārtum decimum Kalendās Augustās A.U.C. MMDCCLXXII (2019-07-19)
Brandon Routh, quī “Supervirum” (“Superman”) in spectāculō cinēmatographicō “Supervir Revenit” (A.U.C. MMDCCLIX) ēgit, “Supervirum” iterum aget. Lacrimāvī et rīsī.
(īdem nūntius in linguā Graecā antīquā scrīptā).
vinculum, vinculum dē pelliculā (spectāculō cinēmatographicō) in linguā Graecā novā
Kansas City, MO
a.d. quārtum Kalendās Novembrēs A.U.C. MMDCCLXVII (2014-10-29)
Rēgālēs ex Urbe Cānsiēnse (Cānsiānopole) vincuntur ab Gigantibus ex Urbe Sānctī Francīscī in Seriē Suprēmā Lūdī Pilae et Basiārum.
vinculum
Multa nova dēbentur.
New York
prīdiē Īdūs Augustās A.U.C. MMDCCLXVII (2014-08-12)
Āctrīx Lauren Bacall ūndēnōnāgintā annōs nāta mortua est. Haec summa cupīdinis muliēbris effigiēs quattuor spectācula cinēmatographica cum Humphreiō Bogartō effēcit.
vinculum
Tiburon, California
a.d. iii Īdūs Augustās A.U.C. MMDCCLXVII (2014-08-11)
Comicus Robinus Cupidigalea (“Williams”) sexāgintā trēs annōs nātus ipse sibi mortem cōnscīvit. “Nanū Nanū, Morce” (latīnē: valē).
vinculum
a.d. v Īdūs Augustās A.U.C. MMDCCLXVII (2014-08-09)
Bonum septuāgēsimum (lxx) diem nātālem tibi, Urse Fūmōse (“Smokey Bear”)! “Tū sōlus (sōla) es quī (quae) incendiīs silvestribus obstāre valeās.”
vinculum
prīdiē Nōnās Augustās A.U.C. MMDCCLXVII (2014-08-04)
Bonum centēsimum octōgēsimum (clxxx) diem nātālem tibi, Iohanne Venn! Fuit inventor diagrammatis Vennēnsis.
vinculum
Waren an der Müritz, Germany
a. d. xii Kalendās Augustās A.U.C. MMDCCLXVII (2014-07-21)
Adulēscēns Germānus, nōmine Kevinus Pöhls, pӯramidem ē quīndecim mīlibus “testulārum maculātārum ad lūdendum” (“dominoes”) ēstruxit et deinde dēstruxit (i.e. “strāvit”). Tot testulīs nēmō anteā ūsus est. Dīcitur monumentum novum tōtius mundī effectum esse.
vinculum germānicē
Los Angeles, California
a.d. xiv Kalendās Augustās A.U.C. MMDCCLXVII (2014-07-19)
Āctor Iacobus (“James”) Garner octōgintā sex annōs nātus mortuus est. Āleātōrem “Ferum” (“Maverick”) et investigātōrem prīvātum Iacobum Saxivadum (“Rockford”) in televīsiōne ēgit.
vinculum
Raqa, Syria
a.d. xvi Kalendās Augustās MMDCCLXVII (2014-07-17)
Mulier in Syriā propter adulterium lapidāta est (lapidibus obruta est).
vinculum
Gaza/Jerusalem
a.d. xvi Kalendās Augustās MMDCCLXVII (2014-07-17)
Israēlitae in Gazam invadunt.
vinculum
Eastern Ukraine
a.d. xvi Kalendās Augustās MMDCCLXVII (2014-07-17)
Āēronāvis ē Bataviā ad Malaesiam volāns suprā Ucrainiam deiaculātus est. Nēmō superest.
vinculum, vinculum, vinculum in linguā Graecā novā, vinculum germānicē
Essen, Germany
a. d. xvii Kalendās Augustās A.U.C. MMDCCLXVII (2014-07-16)
Carolus Albertus (“Karl Albrecht”), cum frātre suō conditor macellōrum nōmine Aldi, annōs nōnāgintā quattuor nātus mortuus est.
vinculum, vinculum germānicē
Marvel Universe (iterum!)
a.d. xvii Kalendās Augustās A.U.C. MMDCCLXVII (2014-07-16)
Centūriō Americānus (“Captain America”) nōn iam Stephānus Rogers erit. Superhērōs novus nōmine eōdem erit Āfricānus Americānus Sam Wilson, quī nūper superhērōs Falcō est.
vinculum
Marvel Universe
Īdibus Iuliīs A.U.C. MMDCCLXVII (2014-07-15)
Superhērōs Thor fēmina fīet! Thor fuit Palaeogermānicōrum deus, quem Rōmānī crēdidērunt eundem atque Iovem esse, nam tempestātēs, fulmen, tonitrum regnāvit. Nōmen “Thor” vērō “tonitrum” palaeogermānicē significat.
vinculum, vinculum
Riverdale
prīdiē Īdūs Iuliās A.U.C. MMDCCLXVII (2014-07-14)
Archibaldus Andreās (“Archie”), hērōs libellī comicī suī usque ab annō ab urbe conditā (A.U.C.) 2694 (AD 1941), a.d. xvii Kalendās Augustās (2014-07-16) necābitur ut amīcum homophylophilum (homosexuālem) servet.
vinculum, vinculum in linguā Graecā novā
Rio De Janeiro, Brazil
a.d. iii Īdūs Iuliās A.U.C. MMDCCLXVII (2014-07-13)
Germānī Argentīnōs “Tōtius Terrae Certāmine Pilā et Pede Lūdentium” in Brasiliā vincunt. Victōrēs prīmum ex annō ab urbe conditā (A.U.C.) 2743 (AD 1990) sunt.
vinculum
a.d. vi Īdūs Iuliās A.U.C. MMDCCLXVII (2014-07-09)
Bonum centēsimum quīnquāgēsimum octāvum (clviii) diem nātālem tibi, Nīcolāe Tesla! Fuit inventor fluxūs (currentis) alternantis (AC).
vinculum
New Orleans, Louisiana
a. d. vii Īdūs Iuliās A.U.C. MMDCCLXVII (2014-07-09)
Urbis praefectus prior Novae Aurēliānae Ray Nagin in carcerem decem annōs condētur.
vinculum
Belo Horizonte, Brazil
a.d. viii Īdūs Iuliās A.U.C. MMDCCLXVII (2014-07-08)
Germānī Brasiliānōs “Tōtius Terrae Certāmine Pilā et Pede Lūdentium” in Brasiliā vincunt.
vinculum
Coolest News in This, the DC, or Any Universe
Nōnīs Iūliīs A.U.C. MMDCCLXVII (2014-07-07)
Brandon Routh, quī “Supervirum” (“Superman”) in spectāculō cinēmatographicō “Supervir Revenit” ēgit, “Atomum” aget in televīsiōnis “Sagittāriō” (“Arrow”).
vinculum, vinculum germānicē
Salvador, Brazil
a.d. vi Nōnās Iuliās A.U.C. MMDCCLXVII (2014-07-01)
Belgae Americānōs “Tōtius Terrae Certāmine Pilā et Pede Lūdentium” in Brasiliā vincunt.
vinculum
Titulus: “Lacertae Salientēs!” Congressus Persōnārum Fābulōsārum!
a.d. iii Kalendās Iuliās A.U.C. MMDCCLXVII (2014-06-29)
Astyphylax (ad verbum: “urbis custōs,” i.e. “investīgātor”) “Richardus Indāgātor” (“Dick Tracy”) ē historiolā pictā suā, quae usque A.U.C. (“ab urbe conditā”) MMDCLXXXIV (AD 1931) ēditur, tandem hodiē occurrit Parvulae Orbae Annulae (“Little Orphan Annie”), cuius historiola picta A.U.C. MMDCLXXXII (AD 1929) usque ad annum A.U.C. MMX (AD 2010) ēdita est. Ad fīnem huius historiolae Annula abducta est ā “Carnifice Balcāniae.” Itaque abhinc quattuor annōs nēmō scit fāta Annulae. Ubi puellula fuit, et quid deinde accidet? Ad hās rēs cognōscendās necesse est “Dick Tracy” cotīdiē legere!
vinculum
Gig Harbor, Washington
a.d. xvii Kalendās Iūniās A.U.C. MMDCCLXVII (2014-06-15)
Casey Kasem, “astrum” in radiophōnō “Quadrāgintā Optimōrum Carminum Americae” et “Horridus” (“Shaggy”) in televīsiōnis “Scūbiō-Dūō” octōgintā duō annōs nātus mortuus est.
vinculum
Virginia
a.d. iii Īdūs Iūniās A.U.C. MMDCCLXVII (2014-06-11)
Eric Cantor ē Virginiā, lēgislātor secundus Factiōnis Rēspublicānae, nōn iam ēlectus est.
vinculum
prīdiē Nōnās Iūniās A.U.C. MMDCCLXVI (2014-06-04)
Fēlēs mea nōmine Sam abhinc ūnum annum mortua est. Iterum doleō.
Alaska
prīdiē Nōnās Iūniās A.U.C. MMDCCLXVII (2014-06-04)
Terrae mōtus īnstar 5.7 (magnitūdine 5.7) dē Richteris gradū in Alascā factus est.
vinculum
Madrid, Spain
a.d. iv Nōnās Iūniās A.U.C. MMDCCLXVII (2014-06-02)
Rēx Iohannēs Carolus I Hispāniae in animō habet sē rēgnō abdicāre.
vinculum
San Antonio, TX
Kalendīs Iūniīs A.U.C. MMDCCLXVII (2014-06-01)
Āctrīx Anna B. Davis octōgintā octō mortua est. Illa fuit ancilla “Alicia” in televīsiōnis “Gente (Familiā) Bradiānā.”
vinculum
Winston-Salem, NC
a.d. v Kalendās Iūniās A.U.C. MMDCCLXVII (2014-05-28)
Et poētria et scrīptrīx et omnium artium domina Maia Angelou octōgintā sex nāta mortua est. Librum nōmine “Sciō cūr avis in caveā cantitet” scrīpsit.
vinculum
Jefferson City, ΜΟ
a.d. ix Kalendās Iūniās A.U.C. MMDCCLXVII (2014-05-24)
Gubernātor Ieremiās (“Iae”) Nixon cīvitātis Missouriēnsis prōmīsit sē lēgem dē discipulīs ex aliō in alium circulum scholārum movendīs vetitūrum esse.
vinculum, vinculum
Normandy School District, ΜΟ
a.d. xiii Kalendās Iūniās A.U.C. MMDCCLXVII (2014-05-20)
Kalendīs Iuliīs circulus scholārum Nomandiae nōn iam erit. Tragoedia est.
vinculum
Argentina
a.d. xv Kalendās Iūniās A.U.C. MMDCCLXVII (2014-05-18)
In Argentīnā inventus est maximus dinosaurus omnium.
vinculum
ἙλληνικὴἈγγελίᾱ
Comments (0)
You don't have permission to comment on this page.